Microsoft Office Language Interface Pack 2010 – Shqip

Microsoft Office Language Interface Pack 2010 – Shqip mbështet një ndërfaqe të përdoruesit në gjuhën shqipe për:

• Microsoft Office Excel 2010


• Microsoft Office OneNote 2010


• Microsoft Office Outlook 2010


• Microsoft Office PowerPoint 2010


• Microsoft Office Word 2010

Sistemet e mbështetura operative

Windows 7, Windows Vista, Windows XP Service Pack 2

• Kërkohet softueri: Çdo paketë ose kopje e pavarur e Microsoft Office 2010 që përmban një ose disa nga aplikacionet vijuese: Excel, OneNote, Outlook, PowerPoint ose Word.
  

• Kërkohet hapësirë në disk: Përveç hapësirës së diskut të ngurtë të përdorur nga programet e instaluara aktualisht të Office 2010, kërkohet 20 megabajt (mb) e hapësirës së diskut në dispozicion.

Për të instaluar këtë shkarkim:

1. Shkarko skedarin LanguageInterfacePack.exe duke klikuar butonin Shkarko (sipër) dhe duke ruajtur skedarin në hapësirën e ngurtë të diskut.
2. Kliko dy herë skedarin e programit LanguageInterfacePack.exe në diskun tënd të ngurtë për të nisur programin e instalimit.
3. Ndiq instruksionet në ekran për të përfunduar instalimin.
4. Sapo të instalohet, skedari Lexomë për paketën e ndërfaqes së gjuhës të Microsoft Office 2010 mund të gjendet në C:\Skedarët e programit\Skedarët e zakonshëm\Microsoft i përbashkuar\OFFICE14\LCID\LIPread.htm
5. Nuk mbështetet përmirësimi i Office 2007 me paketën e ndërfaqes së gjuhës të Office 2007 apo edicionit të mëparshëm të Office 2010 me paketën e ndërfaqes së gjuhës të Office 2010. Nëse dëshiron të përmirësosh instalimin bazë të Office 2007 në Office 2010 me paketën e ndërfaqes së gjuhës të Office 2010, duhet të:
   • Çinstalosh Office 2007 Language Interface Pack.
   • Ekzekutosh instalimin e Office 2010 dhe zgjedhësh opsionet e përmirësimit.
   • Kur të përfundojë instalimi i Office 2010, instalo dhe konfiguro Office 2010 Language Interface Pack.
   
   
   Aktivizimi i produktit të Office:
   
   • Nëse ke pengesa për të lexuar të gjithë kodin e instalimit në dialogun "Microsoft Office Activation Wizard" ose nëse i gjithë kodi i instalimit nuk afishohet si duhet kur përdor Microsoft® Office Language Interface Pack 2010, anulo ekspertin dhe kalo te produkti yt në anglisht për të aktivizuar produktin tënd të Microsoft Office.
   
   

Instruksionet për përdorim:

Për të kaluar Ndërfaqen e përdoruesit në gjuhën e Microsoft Office Language Interface Pack 2010 – Shqip, ndiq këta hapa:

1. Lësho Preferencat e gjuhës të Microsoft Office 2010 nga menyja Nis\Të gjitha programet\Microsoft Office\Veglat e Microsoft Office.  
2. Nën Zgjidh gjuhët e afishimit dhe të ndihmës, nën Afisho gjuhën përzgjidh gjuhën e kërkuar dhe kliko në butonin Vendos si të parazgjedhur.  
3. Nën Zgjidh gjuhët e redaktimit, zgjidh gjuhën e kërkuar dhe kliko në butonin Vendos si të parazgjedhur.  
4. Kliko butonin Në rregull.  

Parametrat e gjuhës të cilat i ke përzgjedhur do të kenë efekt herën tjetër që do të nisësh aplikacionet e Office.
Shënim: Ndihma nuk mund të kalojë në gjuhën e Microsoft Office Language Interface Pack 2010 – Shqip. Ndihma do të mbetet gjithmonë në gjuhën e instalimit origjinal.
Vendose gjithmonë ndihmën e afishimit në listën me lëshim poshtë në gjuhën bazë.

Për të larguar këtë shkarkim:

Ndiq këta hapa në edicionin e Windows XP Home ose atë Profesional:

1. Braktis të gjitha programet.
2. Kliko dy herë ikonën Shto ose largo programe në Panelin e kontrollit të Windows.
3. Kliko Microsoft Office Language Interface Pack 2010 në kutinë Programet e instaluara aktualisht pastaj kliko butonin Largo.  
4. Ndiq instruksionet në ekran.

Ndiq këta hapa në Windows Vista ose Windows 7:

1. Braktis të gjitha programet.
2. Kliko dy herë ikonën Programe dhe tipare në Panelin e kontrollit të Windows.
3. Në opsionin Çinstalo ose ndrysho një program,   Microsoft Office Language Interface Pack 2010– Shqip në kutinë Programet e instaluara aktualisht pastaj kliko opsionin Çinstalo.  
4. Ndiq instruksionet në ekran.

Nëse nuk mund të shikosh përmbajtjet e skedarit CHM, pasi ta shkarkosh, mund të ndjekësh hapat e mëposhtëm, të cilët do të të ndihmojnë të shikosh përmbajtjet:

1. Hap dosjen ku shkarkove skedarin CHM.
2. Kliko me butonin e djathtë mbi CHM dhe përzgjidh "Vetitë" nga menyja e shfaqur.
3. Në skedën "Të përgjithshme" kliko butonin "Zhblloko" dhe më pas kliko butonin "Në rregull".
4. Kliko dy herë mbi skedarin CHM dhe tashmë do të jesh në gjendje të shikosh përmbajtjet e tij.