Pecynnau Iaith ar gyfer SharePoint Server 2016

Mae pecynnau iaith yn galluogi creu safleoedd a chasgliad o safleoedd mewn sawl iaith heb orfod gosod SharePoint Server 2016 ar wahân. Mae modd gosod sawl pecyn iaith ar yr un gweinydd. Fydd gosod Pecyn Iaith ddim yn newid iaith y cynnyrch Gweinydd Microsoft sydd wedi'i osod, nac iaith y nodweddion gweinyddol.

Nodyn: Does dim angen i chi lwytho pecyn iaith i lawr ar gyfer yr iaith rydych wedi'i gosod. Diben y pecynnau iaith hyn yw helpu i greu ieithoedd ychwanegol.

Systemau Gweithredu sy'n cael eu Cefnogi

Windows Server 2012 R2, Windows Server 2016, Windows Server 2019

Mae'r pecyn hwn yn gweithio gyda'r rhaglenni canlynol:
       • Microsoft SharePoint Server 2016

I gychwyn llwytho i lawr:

       1. Dewiswch yr iaith i’w gosod yn Dewiswch iaith.
       2. Cliciwch y botwm Llwytho i lawr.
       3. Cliciwch Cadw i gopïo rhaglen osod y pecyn iaith ar eich cyfrifiadur.

I osod y Pecyn Iaith ar gyfer SharePoint Server 2016:

       1. Rhedwch raglen osod y pecyn iaith.
       2. Ar y dudalen Darllen Telerau Trwydded Meddalwedd Microsoft, tarwch olwg dros y telerau, ticio’r blwch Rwy'n derbyn telerau'r cytundeb hwn, ac wedyn clicio Bwrw ymlaen.
       3. Mae’r dewin gosod yn rhedeg ar yn gosod y pecyn iaith.
       4. Rhedwch y Dewin Ffurfweddu Cynnyrch SharePoint 2016, gan ddefnyddio'r gosodiadau diofyn.

Nodyn:Os nad ydych chi’n rhedeg y Dewin Ffurfweddu Cynnyrch SharePoint 2016 ar ôl i chi osod pecyn iaith, fydd y pecyn iaith ddim yn cael ei osod yn iawn.

I redeg y Dewin Ffurfweddu Cynnyrch SharePoint 2016:

       1. Cliciwch Cychwyn, pwyntiwch at Pob ap, pwyntiwch at Cynnyrch Microsoft SharePoint 2016, ac wedyn cliciwch Dewin Ffurfweddu Cynnyrch SharePoint 2016.
       2. Ar y dudalen Croeso i Gynnyrch SharePoint, cliciwch Nesaf.
       3. Cliciwch Iawn yn y blwch deialog sy’n eich rhybuddio y bydd angen ailgychwyn rhai gwasanaethau wrth ffurfweddu.
       4. Os bydd y dudalen Addasu Gosodiadau Fferm y Gweinydd yn ymddangos, cliciwch Peidio datgysylltu o fferm y gweinydd hwn, ac wedyn cliciwch Nesaf.
       5. Os bydd y dudalen Addasu Gosodiadau Rhaglen Gwe Gweinyddu Canolog SharePoint yn ymddangos, peidiwch addasu unrhyw osodiadau diofyn, ac wedyn cliciwch Nesaf.
       6. Os bydd y dudalen Cwblhau’r Dewin Ffurfweddu Cynnyrch SharePoint yn ymddangos, cliciwch Nesaf.
       7. Ar y dudalen Wedi Llwyddo i Ffurfweddu, cliciwch Gorffen.

Cyfarwyddiadau defnyddio:

Tarwch olwg ar Gosod neu ddadosod pecynnau iaith ar gyfer SharePoint Server 2016 ar gyfer cyfarwyddiadau gosod manwl.

I dynnu pecyn iaith ar gyfer SharePoint Server 2016:

       1. Ar y ddewislen Cychwyn, cliciwch Panel Rheoli.
       2. Cliciwch Dadosod rhaglen.
       3. Yn y rhestr o raglenni sydd wedi'u gosod ar hyn o bryd, dewiswch Pecyn Iaith ar gyfer SharePoint a Project Server 2016 – [Iaith] a chlicio Dadosod.
       4. Cliciwch Iawn i gadarnhau eich bod am dynnu'r rhaglen.
       5. CliciwchIawn yn y blwch deialog sy’n eich rhybuddio y gallai hyn arwain at golli rhywfaint o swyddogaethau ar y safleoedd sy’n dibynnu ar y pecyn iaith hwn.
       6. Ar ôl llwyddo i ddadosod y pecyn iaith, cliciwch Cau.